vk.com
Niekalki čałaviek pryjechali z Mahiloŭskaj vobłaści ŭ Ivianiec, pranikli ŭ dom da 32-hadovaha miascovaha žychara, siłaj vyvieźli jaho ŭ les i źbili, paviedamlaje Rehijanalnaja hazieta.
Takim sposabam kampanija płanavała prymusić paciarpiełaha viarnuć hrašovy doŭh.
Adnak u źbitaha mužčyny hrošaj nie akazałasia. Pravaachoŭniki dapuskajuć, što kryŭdzicieli vydumali doŭh. Paciarpieły raskazaŭ, što jon sapraŭdy znajomy z adnym z napadnikaŭ i napiaredadni prasiŭ u jaho dźvieście dalaraŭ.
Toj pahadziŭsia i nibyta pieravioŭ hrošy na nazvany paciarpiełym rachunak, adnak ź niejkich pryčyn suma na bałansie tak i nie źjaviłasia. Mienavita tamu ŭ viartańni pazyki było admoŭlena.
Paciarpiełaha vazili pa navakolnych lasach i źbivali. Kali kampanija zrazumieła, što atrymać hrošy nie atrymajecca, achviaru adpuścili. Pry pieršaj ža mahčymaści mužčyna źviarnuŭsia ŭ milicyju.
Piaciarych padazravanych, adzin ź jakich raniej sudzimy, zatrymali pa miescy žycharstva z AMAPam.
