Žychar Babrujska na praciahu dvuch hadoŭ pradavaŭ vykradzienuju asabistuju infarmacyju hramadzian, paviedamlaje Śledčy kamitet.
Mužčyna ździajśniaŭ kibierataki na roznyja internet-servisy, jakija naležać bujnym bankam i płaciežnym sistemam: Amazon, Airbnb abo PayPal. Vykarystoŭvajučy škodnaje prahramnaje zabieśpiačeńnie, babrujčanin atrymlivaŭ danyja dla ŭvachodu ŭ akaŭnty karystalnikaŭ, a paśla pradavaŭ ich za kryptavalutu. Usiaho ad napadaŭ mužčyny paciarpieła kala 300 resursaŭ.
Klijentami babrujskaha chakiera byli hramadzianie z usiaho śvietu: kuplajučy ŭ jaho łahiny i paroli ad čužych akaŭntaŭ, jany vykarystoŭvali ich dla ašukanskich apieracyj i za 2 hady skrali prykładna 5 miljonaŭ dalaraŭ. Sam kibierzłačyniec «zarabiŭ» kala 60 tysiač dalaraŭ.
Mužčynu dali 1 hod pazbaŭleńnia voli z adterminoŭkaj pakarańnia.