Francuzski źniščalnik Dassault Rafale (dassault-aviation.com).
Francyja i Hiermanija padpisali pahadnieńnie ab raspracoŭcy pratatypa źniščalnika nastupnaha pakaleńnia. Pra heta paviedamlaje Reuters.
Paviedamlajecca, što stvareńniem samalota zojmucca dźvie avijabudaŭničyja kampanii Dassault Aviation i Airbus. Vytvorčaść samalota pavinna pačacca ŭ 2040 hodzie. Novy źniščalnik zamienić vajennyja samaloty Dassault Rafale i Eurofighter.
«Heta vielmi ambicyjny prajekt pamiž Francyjaj, Hiermanijaj, da jakoha dałučyłasia taksama Ispanija. Heta dazvolić našym krainam supraćstajać pahrozam i vyklikam u druhoj pałovie 21-ha stahodździa», — zajaviła ministr Uzbrojenych sił Francyi Fłarans Parli.
Suma padpisanaj damovy pamiž Francyjaj i Hiermanijaj składaje 150 młn jeŭra. Paviedamlajecca, što Ispanija taksama dałučycca da prajekta, ale paźniej, i inviestuje kala 50 młn jeŭra. Ahulnaja suma inviestycyj pratatypa składzie kala 4 młrd jeŭra.