U Dokšyckim rajonie zahinuŭ biznesmien Valer Jančak. Jon dyrektar budaŭničaj kampanii «JAVH-servis». Nazva biznesu ŭtvoranaja ad abrevijatury jaho imieni, imieni pa baćku i proźvišča.

Infarmacyju pra trahičnuju hibiel biznesmiena «Našaj Nivie» paćvierdzili jaho žonka i plamieńnica.

Valeryju Jančaku było 37 hadoŭ.

Valer Jančak, fota Ok.ru

Valer Jančak, fota Ok.ru

Abstaviny hibieli pakul nieviadomyja. Ale svajaki Jančaka kažuć, što trahiedyja zdaryłasia na palavańni, a ŭ biznesmiena vypadkova streliŭ staršynia Dokšyckaha rajvykankama Aleh Pinčuk.

Cikava, što staršynia rajvykankama nie zatrymany. 

«Naša Niva» źviazałasia ź Pinčukom. Jon kateharyčna admoviŭsia havaryć na hetuju temu.

Svajaki zahinułaha taksama pakul padrabiazna nie kamientujuć trahiedyju.

«Usia siamja ŭ šoku, nichto nie čakaŭ takoha vyniku. Ciapier usie ŭ domie maci Valera, tam pry joj dziažuryć chutkaja», — raspaviała «Našaj Nivie» ciošča Andreja Jančaka, rodnaha brata zahinułaha.

Staršynia Dokšyckaha rajvykankama Aleh Pinčuk. Fota Sb.by

Staršynia Dokšyckaha rajvykankama Aleh Pinčuk. Fota Sb.by

Pra hetuju trahiedyju paviedamiŭ i Śledčy kamitet. Zaviali kryminalnuju spravu pa č.1 st.144 (pryčynieńnie śmierci pa nieaściarožnaści). Vyśviatlajucca abstaviny zdareńnia.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?