Ruch pa moście na vulicy Čyhunačnaj chacieli adkryć 6 sakavika: raniej zapłanavanaha na dva z pałovaj miesiacy. Ale ŭ apošnija dva dni nadvorje sapsavałasia i ŭniesła ŭ pracu svaje karektyvy, tamu adkryćcio ruchu transpartu ssunuli na dva dni, piša Tut.by.
— My vielmi staralisia. Heta padarunak ad mužčyn ŭsim žančynam da 8 Sakavika, — skazaŭ Alaksandr Jarošyk. — Dla taho kab puścić ruch pa puciepravodzie, nam zastałosia abkłaści vierchni płast asfaltu i nanieści raźmietku. Ale buduć jašče vychady na prajeznuju častku dla darobki defarmacyjnych švoŭ i praca z kantaktnaj sietkaj čyhunki i tralejbusaŭ.
Nahadajem, puciepravod na vulicy Čyhunačnaj, pabudavany ŭ 1950-ja, u minułym hodzie było vyrašana całkam abnavić u suviazi ź niezdavalniajučym stanam belek. Letam most začynili na rekanstrukcyju.
