Fota Nadziei Bužan

Fota Nadziei Bužan

U Jeŭrazijskim ekanamičnym sajuzie jość peŭnaja niedakazanaść i razryŭ pamiž prymanymi na najvyšejšym uzroŭni palityčnymi rašeńniami i praktyčnymi spravami.

Pra heta zajaviŭ staršynia Kalehii Jeŭrazijskaj ekanamičnaj kamisii Michaił Miaśnikovič siońnia ŭ Maskvie na sustrečy z premjer-ministram Rasii Michaiłam Mišuścinym, pieradaje BiełTA.

«Ja chacieŭ by adznačyć, što jość dastatkova šmat vuzłavych momantaŭ, jakija patrabujuć vyrašeńnia, kab sapraŭdy intehracyja pahłyblałasia. Bo jość peŭny, na moj pohlad, razryŭ pamiž vysokim uzroŭniem palityčnych rašeńniaŭ, jakija pryniatyja kiraŭnikami dziaržaŭ i ŭradaŭ pa intehracyi, i praktyčnymi spravami», — skazaŭ Michaił Miaśnikovič.

Jon adznačyŭ, što hety razryŭ JEEK sprabuje likvidavać z dapamohaj instrumientaŭ miechanizmaŭ, zakładzienych u prajekt stratehičnych napramkaŭ dalejšaha raźvićcia Jeŭrazijskaj ekanamičnaj intehracyi da 2025 hoda.

«Kaštoŭnaść hetaha dakumienta, na moj pohlad, u pieršuju čarhu zaklučajecca ŭ tym, što tam, jak praviła, zakładzieny normy pramoha dziejańnia, — rastłumačyŭ staršynia Kalehii JEEK. — Heta značyć mienš dekłaratyŭnaści, mienš čarhovych pafasnych, tak by mović, zajaŭ, a niepasredna prapanujecca navat u samich nazvach taho ci inšaha mierapryjemstva nakiravanaść dalejšych dziejańniaŭ. My zaraz pahružanyja ŭ toje, kab 10 krasavika na Mižpraŭsaviecie dałažyć kiraŭnikam uradaŭ pra hatoŭnaść (dakumienta)».

Клас
Панылы сорам
Ха-ха
Ого
Сумна
Абуральна