Fota: Minsk-Naviny.
Aktyvistu Pilipu Šaŭrovu, jakoha zatrymali paśla taho, jak u studzieni jon pafarbavaŭ ruki pomnika Puškinu, vystavili kančatkovaje abvinavačańnie i vyznačyli naniesienuju škodu, piša Radyjo Svaboda.
Pra heta žonka aktyvista Volha paviedamiła sa spasyłkaj na advakata. Jana skazała, što sprava składajecca z troch epizodaŭ, jaho abvinavačvajuć pavodle dvuch artykułaŭ Kryminalnaha kodeksu. Jakija heta epizody?
- Pafarbavaŭ u čyrvonaje ruki pomnika Puškinu.
- Namalavaŭ bieł-čyrvona-bieły ściah na pomniku zahinułym pry vykanańni doŭhu milicyjantam i vajskoŭcam unutranych vojskaŭ MUS Biełarusi. Za hetyja dźvie praviny abvinavačany ŭ chulihanstvie. Maksymalnaje pakarańnie — da 2 hadoŭ pazbaŭleńnia voli.
- Nanios hrafici «Svabodu Sieviaryncu». Abvinavačany ŭ apahańvańni i porčy majomaści. Maksymalnaje pakarańnie — da 3 miesiacaŭ aryštu.
Suma škody — 230 rubloŭ
Volha Šaŭrova paviedamiła, što ŭžo apłaciła naniesienuju Pilipam škodu
- za pomnik Puškinu — 62 rubli 88 kapiejek,
- za pomnik milicyjantam — 67 rubloŭ 87 kapiejek,
- za hrafici «Svabodu Sieviaryncu» — 98 rubloŭ 18 kapiejek.
Ahułam — 228 rubloŭ 93 kapiejki.
Ź jaje słovaŭ, muž pa-raniejšamu ŭ izalatary na vulicy Vaładarskaha, mieru strymańnia jamu nie źmianili.
