U Biełarusi pa stanie na ranicu 7 sakavika nie vyjaŭleny novyja vypadki zaražeńnia karanavirusam. Pra heta TUT.BY paviedamiŭ pieršy namieśnik ministra achovy zdaroŭja Dźmitryj Pinievič.
Šeść pacyjentaŭ, u jakich byli stanoŭčyja testy na karanavirus, znachodziacca ŭ zdavalniajučym stanie.
Pa stanie na 5 sakavika pad miedycynskim nahladam znachodzilisia 1322 čałavieki, jakija prybyli z epidemijałahična-niespryjalnych rajonaŭ. U hety ž pieryjad 1135 čałaviek byli źniaty z nazirańnia ŭ suviazi z tym, što ŭ ich niama nijakaj kliničnaj karciny i inkubacyjny pieryjad užo prajšoŭ.
Razam z tym Minzdaroŭja razasłała pamiatku, u jakoj zaznačaje, što kali vy prybyli z Kitaja, Paŭdniovaj Karei, Irana ci Italii, to ciaham 14 dzion za vami budzie arhanizavana miedycynskaje nazirańnie. Pryčym, kali ciaham adnych sutak z momantu pryjezdu z vami nie źviazaŭsia miedycynski rabotnik, varta samomu patelefanavać u palikliniku pa miescy žycharstva (časovaha znachodžańnia) pa telefonie i vyklikać doktara na dom, paviedamiŭšy, što prybyli z Kitaja, Karei, Irana ci Italii.
Zaklikajuć sačyć za zdaroŭjem i pry paharšeńni stanu zdaroŭja taksama źviartacca pa telefonie 103, a taksama abmiežavać koła kantaktaŭ.
