president.gov.ua
Prezident Ukrainy paraŭnaŭ svajo prezidenctva z čoŭnam, jaki, niahledziačy na dzirki, zastajecca na płyvu. Pra heta jon zajaviŭ u intervju haziecie The Guardian, piša RBK.
«Paŭsiul dzirki, i vy svaimi rukami i nahami sprabujecie zatknuć ich. Voś tak my i žyviom. My zatykajem dzirki », — skazaŭ jon.
Paśla hetaha žurnalist, što razmaŭlaŭ z prezidentam, adznačyŭ padabienstva apisańnia z tonučym karablom. Adnak prezident dadaŭ: «Ale my ž nie toniem!»
Akramia taho, Zialenski adznačyŭ, što kali syhrany im piersanaž sieryjała «Słuha naroda» Vasil Hałabarodźka zahadaŭ by prosta paviesić abo zastrelić aliharchaŭ, što tracili padčas kanfliktu na Danbasie vialikija hrošy za miažoj, to na realnaj pasadzie prezidenta jon pavinien budzie pracavać ź imi i prasić ich finansavać dziaržprajekty, a taksama ŭkładvać hrošy mienavita na Ukrainie.
«Kali my abrali demakratyju, viadoma, my nie možam viešać ludziej. Chacia! Časam sapraŭdy chočacca. A viedajecie čamu? Tamu što heta było b chutčej. Značna chutčej», — skazaŭ žartam Zialenski.
