Minzdaroŭja paviedamlaje, što ŭ studenta ź Irana atrymany pieršy admoŭny vynik na najaŭnaść RNK karanavirusa. Mienavita jon byŭ pieršym pacyjentam ŭ Biełarusi, u jakoha było dyjahnastavana heta zachvorvańnie. Na siońniašni momant pacyjent adčuvaje siabie zdavalniajuča.
Pavodle dziejučych u śviecie padychodaŭ da lačeńnia pacyjentaŭ z karanavirusnoj infiekcyjaj, jany mohuć być vypisany paśla 14 dzion z momantu ŭstanaŭleńnia dyjahnazu i paśla 2-ch admoŭnych łabaratornych testaŭ.
Vypiska pacyjenta zapłanavanaja na kaniec nastupnaha tydnia.
Tak što navučańnie ŭ biełaruskim univiersitecie hety student pačnie trochi paźniej za svaich adnakurśnikaŭ.
Heta ž praviła tyčycca i jaho adnahrupnikaŭ i piedahohaŭ — «kantaktaŭ pieršaha ŭzroŭniu». Za imi, na siońniašni dzień, praciahvajecca miedycynskaje nazirańnie, usie jany adčuvajuć siabie zdavalniajuča, kliničnych i łabaratornych prykmiet infiekcyi nie vyjaŭlena. Jany zmohuć prystupić da zaniatkaŭ i pracy pa zakančeńni 14-dzionnych karancinnych mierapryjemstvaŭ. Usie kantakty «pieršaha ŭzroŭniu» taksama praciahnuć znachodzicca ŭ špitali da kanca terminu karantynu.
Usie šeść pacyjentaŭ z łabaratorna pacvierdžanym dyjahnazam — karanavirusnaja infiekcyja, adčuvajuć siabie zdavalniajuča: prykmiet zachvorvańnia niama, tempieratura cieła narmalnaja. Praciahvajecca ich rehularnaje kliničnaje i łabaratornaje abśledavańnie. Pa zakančeńni 14-dzionnaha karancinu i 2-ch admoŭnych vynikaŭ testavańnia jany taksama mohuć być vypisanyja.
