Ryzyka ciažkich form karanavirusnaj infiekcyi ŭ Biełarusi nievysokaja. Pra heta ministr achovy zdaroŭja Uładzimir Karanik zajaviŭ u efiry ANT.
Fota Nadziei Bužan.
— Ryzyku ciažkich form rasceńvajem jak nie vielmi vysokuju, tamu što, u adroźnieńnie ad mnohich krain, u nas niekalki inšaja pabudova sistemy, jakaja dazvalaje bolš apieratyŭna i adekvatna reahavać na najaŭnyja vykliki, — skazaŭ Karanik.
Navat u paraŭnańni z sumiežnymi krainami pa situacyi z karanavirusam Biełaruś maje pieravahi, adznačyŭ jon.
Pa słovach kiraŭnika Ministerstva achovy zdaroŭja, u mnohich krainach adsutničaje sanepidsłužba, jakaja pravodziła b sanitarna-epidemijałahičnyja rasśledavańni, kantralavała raspaŭsiudžvańnie infiekcyi, pravodziła łabaratornuju dyjahnostyku. Niama navat takoha paniaćcia, jak infiekcyjnaja balnica, heta značyć chvoryja znachodziacca doma, a pry ciažkaj formie zachvorvańnia — traplajuć u zvyčajnyja balnicy, heta značyć kantaktujuć ź inšymi ludźmi, što źjaŭlajecca vielmi niebiaśpiečnym.
U Biełarusi, padkreśliŭ Karanik, zabiaśpiečany ŭsie miery pa padziele patokaŭ pacyjentaŭ. Usie vypadki ź pnieŭmanijaj praviarajucca na najaŭnaść karanavirusnaj infiekcyi, kab hetyja pacyjenty vypadkova nie apynulisia ŭ ahulnaj reanimacyi.
Stvareńnie reziervu łožkaŭ, pa słovach Karanika, tłumačycca nie tym, što ŭ krainie paharšajecca situacyja z karanavirusam abo prahnazujucca niejkija prablemy.
— A tamu, što my, u vypadku vyjaŭleńnia navat adnaho pacyjenta z karanavirusam, abaviazany reahavać maksimalna chutka, kab nie dapuścić raspaŭsiudžvańnia infiekcyi, — rastłumačyŭ jon.