25-hadovaha Stanisłava Ivanaŭskasa zatrymali 4 sakavika. Padazrajuć, što heta jon byŭ tym sieryjnym rabaŭnikom bankaŭ u Homielskim rajonie.
«10 studzienia nieviadomy pad pahrozaj pradmieta, padobnaha da pistaleta, zavałodaŭ bujnoj sumaj hrošaj u adździaleńni banka, raźmieščanym u pasiołku Balšavik Homielskaha rajona.
Amal praz dva miesiacy, 2 sakavika, znoŭ była ździejśniena sproba zavałodać najaŭnymi, ale ŭžo ŭ inšym adździaleńni, jakoje znachodzicca ŭ ahraharadku Babovičy. Dziakujučy śmiełaści i spakoju bankaŭskaha rabotnika zabrać hrošy ŭ druhi raz nie ŭdałosia», — paviedamiła milicyja.
Napadnika ŭsio ž vyličyli i zatrymali.
Videa zatrymańnia padazravanaha
Pra chłopca viadoma niašmat. Jak piša telehram-kanał «Paparatar», Stanisłaŭ skončyŭ Homielski budaŭničy kaledž, paśla adpracavaŭ u budaŭniča-mantažnym treście №27 paru hadoŭ. Zatym trochi pracavaŭ u pradpryjemstvie «Homielabłhaz».
Pa infarmacyi «NN», Stanisłaŭ taksama vučyŭsia zavočna ŭ Biełaruskim dziaržaŭnym ŭniviersitecie transpartu na fakultecie «pramysłovaje i hramadzianskaje budaŭnictva». Žanaty, apošnim časam sprabavaŭ zarablać prodažam sadžancaŭ razam sa znajomym («Naša Niva» źviazałasia z hetym chłopcam, ale jon admoviŭsia ad kamientaroŭ).
Havaryć pra Stanisłava nie zachacieli ni jaho baćka, ni žonka.
Ciapier chłopiec pad vartaj. Jamu pahražaje ad 6 da 15 hadoŭ.
