Jak paviedamlaje pres-słužba MUS, ranicaj 9 sakavika ŭ apieratyŭna-dziažurnuju častku DAI Bresta źviarnuŭsia mužčyna. Jon paviedamiŭ, što na hravijcy niepadalok ad vioski Laskova lažyć žančyna biez prykmiet žyćcia, a pobač ź joj — rovar. Taksama jon skazaŭ, što na miesca zdareńnia vyklikaŭ chutkuju dapamohu.
Jak stała viadoma paśla, DTZ adbyłosia 8 sakavika kala 21:00. Pavodle papiaredniaj infarmacyi, kiroŭca «Aŭdzi 100» za 200 mietraŭ da nazvanaj vioski vyjechaŭ na pałasu sustrečnaha ruchu, dzie najechaŭ na 60-hadovuju miascovuju žycharku. Ad atrymanych traŭmaŭ viaskoŭka pamierła na miescy zdareńnia. A kiroŭca prosta źjechaŭ.
Praź niekalki hadzin złačyncu znajšli, im akazaŭsia 42-hadovy raniej nie sudzimy žychar Kobrynskaha rajona. U momant zatrymańnia jon byŭ pjany, a aŭtamabil z charakternymi paškodžańniami znachodziŭsia ŭ haražy.
