Lidar KNDR Kim Čen Yn u paniadziełak na miescy kiravaŭ vučeńniami dalnabojnaj artyleryi Karejskaj Narodnaj Armii, pieradaje paŭnočnakarejskaje Centralnaje telehrafnaje ahienctva (CTAK), piša ria.ru.

Raniej Abjadnany kamitet načalnikaŭ štaboŭ Paŭdniovaj Karei paviedamiŭ, što KNDR ranicaj u paniadziełak praviała pusk rakiet małoj dalokaści niekalkich vidaŭ u bok Japonskaha mora. U hety raz maksimalnaja dalokaść palotu rakiet KNDR skłała kala 200 kiłamietraŭ, vyšynia kala 50 kiłamietraŭ.

«Čarhovyja vučeńni pa naniasieńni ahniavoha ŭdaru praviedzieny ŭ metach pravierki zdolnaści frantavych dalnabojnych artyleryjskich častak da raptoŭnaha vajennaha kontrudaru», — havorycca ŭ paviedamleńni CTAK.

Pieršy pusk paŭnočnakarejskich rakiet sioleta adbyŭsia 2 sakavika. Dalokaść ich palotu skłała kala 240 kiłamietraŭ, vyšynia — kala 35 kiłamietraŭ. Paźniej Paŭnočnaja Kareja zajaviła, što puski prajšli ŭ chodzie vučeńniaŭ dalnabojnaj artyleryi.

Клас
0
Панылы сорам
0
Ха-ха
0
Ого
0
Сумна
0
Абуральна
0