Hrupa ŭzbrojenych złamyśnikaŭ napała na braniravany aŭtamabil u aeraporcie stalicy Čyli Santjaha i skrała kala 15 miljonaŭ dalaraŭ. Heta adno z samych bujnych padobnych złačynstvaŭ u historyi krainy, miascovyja žurnalisty ŭžo nazyvajuć jaho «abrabavańniem stahodździa», piša bbc.com.

Jak paviedamlaje čylijskaja palicyja, «ad siami da dziesiaci» padazravanych pranikli ŭ terminał na dvuch aŭtamabilach, a zatym napali na braniavik z valutaj, tolki što dastaŭlenaj na terytoryju krainy adnym z samalotaŭ. Rabaŭniki vykarystoŭvali mašynu kampanii pa dastaŭcy tavaraŭ.

Jany pryhrazili achoŭnikam zbrojaj, a zatym źnikli z hrašyma. Pavodle palicejskich, złamyśniki skrali 14 młn dalaraŭ i 1 młn jeŭra. U vyniku incydentu dvoje achoŭnikaŭ byli paranienyja.

Heta ŭžo druhoje abrabavańnie ŭ aeraporcie Santjaha za apošnija hady. U 2014 hodzie hrupa ŭzbrojenych złamyśnikaŭ vykrała tam z furhona kala 10 młn dalaraŭ.

Z kastryčnika minułaha hoda ŭ Čyli praciahvajucca masavyja demanstracyi suprać sacyjalnaj niaroŭnaści. Namahańni palicyi ŭ asnoŭnym skiravanyja na ich žorstkaje zdušeńnie, što vyklikała rost złačynnaści, u tym liku bolšuju kolkaść uzbrojenych napadaŭ na aŭtamabili.

Клас
0
Панылы сорам
0
Ха-ха
0
Ого
0
Сумна
0
Абуральна
0