U balnicy italjanskaha horada Łaviere ŭ pravincyi Bierhama ad karanavirusa pamior 72-hadovy śviatar Džuzepe Bierardeli, jaki achviaravaŭ svoj aparat štučnaj vientylacyi lohkich nieznajomamu maładomu pacyjentu, piša Bi-bi-si.

Džuzepe Bierardeli byŭ nastajacielem carkvy ŭ miastečku Kaźniha. Jaho prychadžanie ŭspaminajuć, što navat paśla ŭspyški karanavirusa jon nie pierastaŭ akazvać dapamohu.

Tady parafija kupiła jamu aparat ŠVŁ. Adnak, jak raspaviali ŭ balnicy horada Spraviery, patrapiŭšy tudy, Bierardeli admoviŭsia ad jaho na karyść maładoha čałavieka, jaki lažaŭ u tym ža adździaleńni.

Žychary Kaźniha apładziravali z voknaŭ i z bałkonaŭ, kali trunu ź ciełam pastara vieźli na haradskija mohiłki. Cyrymonii raźvitańnia i pachavańnia nie było ŭ suviazi ź dziejučaj u Italii zabaronaj na masavyja mierapryjemstvy.

U krainie dziejničajuć žorstkija praviły karancinu. Žychary, nie zaniatyja ŭ klučavych śfierach, mohuć pakidać damy tolki dla taho, kab kupić pradukty i miedykamienty.

U aŭtorak Papa Rymski Francišak adsłužyŭ malebien pa pamierłych daktarach i śviatarach, jakija, pa słovach pantyfika, źjaŭlajucca prykładam hieraizmu ŭ słužeńni chvorym.

Prynamsi 50 śviataroŭ u Italii stali achviarami Covid-19.

Клас
0
Панылы сорам
0
Ха-ха
0
Ого
0
Сумна
0
Абуральна
0