Dziakujučy šyrokamu infarmavańniu prostyja ludzi viedajuć pra pieršasnyja simptomy zaražeńnia karanavirusam nakštałt kašlu i padvyšanaj tempieratury. «Baza» raspaviała, jak mienavita ŭ inficyravanych COVID-19 raźvivajecca pnieŭmanija.

Adna z admietnych asablivaściaŭ virusnaj pnieŭmanii — heta simietryčnaje paražeńnie lohkich z polisiehmientarnymi zapalenčymi źmienami (u niekalkich častkach, heta značyć u roznych dolach i roznych nie sumiežnych siehmientach). Inšyja vidy pnieŭmanii raźvivajucca, jak praviła, u miežach adnoj doli lohkaha, a nie ŭsiudy. Tak, pry zachvorvańni COVID-19 na kampjutarnych tamahramach bačnyja ŭščylnieńni lohačnaj tkanki, padobnyja da prazrystych paciortych plamaŭ. U miedycynie takija patałohii nazyvajuć simptomam «matavaha škła».

Na rańniaj stadyi raźvićcia virusnaj pnieŭmanii (vyjaŭlajecca da 4-ha dnia zachvorvańnia) «matavaje škło» ŭźnikaje nie bolš čym u troch ahmieniach. Pry hetym uščylnieńni raspaŭsiudžvajucca pieravažna ŭ nižnich dolach i na pieryfieryi, a ich maksimalny dyjamietr nie pieravyšaje 3 sm. Z-za paškodžańniaŭ u alvieołach nazapašvajecca vadkaść, jakaja pryvodzić da parušeńnia kisłarodnaha abmienu i kisłarodnaha haładańnia pacyjenta, takija pacyjenty pačynajuć skardzicca na dychavicu i ciažkaje dychańnie.

Postjer publikacii

Kampjutarnaja tamahrafija zaražanaha z Samarskaj vobłaści. Vyjava «Bazy»

Zatym pnieŭmanija pačynaje prahresavać. Na praciahu 5-8 dzion kolkaść uščylnieńniaŭ pa typu «matavaha škła» stanovicca bolšaj, i jany pastupova transfarmujucca ŭ ahmieni kansalidacyi na pieryfieryi lohkich.

Postjer publikacii

Vyjava «Bazy»

Na pikavaj stadyi virusnaj pnieŭmanii (jana raźvivajecca na 10-13 dzień) źjaŭlajucca množnyja ŭščylnieńni pa typu «matavaha škła» z roznaj praciahłaściu. Pryčym paražeńnie moža być bolš šyrokim-subtatalnym, z uciahvańniem usioj doli całkam, a nie tolki ŭ miežach adnaho siehmienta.

Virusnaja pnieŭmanija składaje da 29% ad usich pazabalničnych pnieŭmanij, jakija patrabujuć špitalizacyi. Adnak jaje raźvićcio pravakuje, jak praviła, hryp (50-60%), reśpiratornyja virusy (20-25%) i adenavirusy (kala 10%). Da pandemii COVID-19 karanavirusy redka rehistravalisia jak uzbudžalniki pnieŭmanii, ale ciapier jana jość u bolšaści pacyjentaŭ, jakija znachodziacca ŭ stanie siaredniaj ciažkaści.

Клас
0
Панылы сорам
0
Ха-ха
0
Ого
0
Сумна
0
Абуральна
0