Ispanija stała hałoŭnym epicentram pandemii ŭ Jeŭropie.

Za apošnija 24 hadziny ŭ hetaj krainie pamierła 738 čałaviek z karanavirusam, paviedamili sanitarnyja słužby krainy. Ahulnaja ličba achviar hetaj zarazy ŭ Ispanii vyrasła bolš čym da 3400. Pieravažna heta ludzi starejšych hadoŭ.

Z ulikam taho, što nasielnictva Ispanii amal na tracinu mienšaje, čym u Italii, situacyja na Pireniejskim paŭvostravie dasiahnuła bolš vostraha stanu, čym na Apieninskim.

Hałoŭnymi ahmianiami pandemii ŭ Ispanii zastajucca Madryd, na jaki prypadaje bolš za pałovu śmiarotnych vypadkaŭ, a taksama Katałonija i Kraina Baskaŭ. Ale pandemija raspaŭsiudziłasia na ŭsie pravincyi krainy, z Kanarskimi i Balearskimi astravami ŭklučna.

Клас
0
Панылы сорам
0
Ха-ха
0
Ого
0
Сумна
0
Абуральна
0