Na Dzień Voli zapracavaŭ sajt dla hałasavańnia na prajmieryz apazicyjnych kandydataŭ — prezident21by.org.

U vybarach na siońnia prymaje ŭdzieł try čałavieki: Juraś Hubarevič (Ruch «Za Svabodu»), Mikałaj Kazłoŭ (AHP) i Volha Kavalkova (niezaležnaja kandydatka).

Volha Kavalkova, Juraś Hubarevič i Mikałaj Kazłoŭ na prajmieryz u Baranavičach. Fota Nadziei Bužan

Volha Kavalkova, Juraś Hubarevič i Mikałaj Kazłoŭ na prajmieryz u Baranavičach. Fota Nadziei Bužan

Jak pracuje sajt? Spačatku karystalniku prapanujuć uvodnuju častku z praviłami i ahulnaj infarmacyjaj pra toje, što hałasavańnie na sajcie składajecca ź dźviuch častak: u pieršaj, jakaja i pojdzie ŭ zalik, prahałasavać možna tolki adnojčy, a ŭ druhoj — možna pastavić dva plusy i adzin minus.

Kali karystalnik aznajomicca z hetaj infarmacyjaj, jamu treba ŭvieści svoj numar telefona. Praz paru siekund vam pryjdzie sms-ka z šaściznačnaj ličbaj. Mienavita jaje treba ŭvieści dla dalejšaha ŭdziełu.

Na hetym pačynajecca ŭłasna hałasavańnie. Knopka «hałasavać» znachodzicca paśla nievialikaha pradstaŭleńnia kandydata.

U druhoj častcy abaviazkova treba nacisnuć dva plusiki i adzin minus, inakš vaš hołas nie budzie ŭličany i vy nie piarojdziecie da nastupnaj častki.

Narešcie, u vynikovaj treciaj častcy prosiać uvieści piersanalnyja danyja (imia, numar telefona, je-mejł, adukacyju, uzrost, poł). Kali vy nie zachočacie ŭvodzić asabistyja danyja, to vašy hałasy ŭsio adno buduć uličanyja, ale vynikaŭ hałasavańnia vy nie pabačycie.

Kiraŭnik partyi «Zialonyja» Dźmitryj Kučuk, jaki zajmajecca sajtam, kaža, što najbližejšyja try-piać dzion nie buduć adlustroŭvacca vyniki hałasavańnia. «Heta robicca dla taho, kab nie ŭpłyvać na vyniki hałasavańnia ludziej. Moža, u subotu ci paniadziełak adkryjem hetyja vyniki», — kaža Kučuk.

Prahałasavać možna budzie tolki adnojčy z kožnaha numara telefona.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?