Enierhietyki spynili źniščeńnie buślanak na linijach elektrapieradač i ŭzialisia za kanstrujavańnie admysłovych apor dla hniozdaŭ busłoŭ, pieradaje HA «Achova ptušak Baćkaŭščyny». 

Busieł rychtuje hniazdo. Fota Mikałaja Varabja

Busieł rychtuje hniazdo. Fota Mikałaja Vierabja

Kanstruktarskaja dakumientacyja budzie hatovaja ŭ druhim kvartale 2020 hoda, jaje raspracoŭkaj zajmajucca DVA «Biełenierha» i AAT «Biełsielelektrasietbud». Užo praviedzienyja pieršyja vyprabavańni na zdolnaść apor vytrymać praciahłuju nahruzku.

Prykład płatformy dla busłoŭ. Fota Pixabay

Prykład płatformy dla busłoŭ. Fota Pixabay

Prablemu razbureńnia buślanak na słupach ŁEP apošnim časam aktyŭna padymali i miascovyja žychary, i ŚMI. Usio bolš busłoŭ pačynaje budavać hniozdy na aporach ŁEP, tamu što asobnych prydatnych drevaŭ zastajecca ŭsio mienš, a na sučasnych dachach umacavać hniazdo ŭvohule niemahčyma. Ale hniozdy na słupach ŁEP niebiaśpiečnyja. Moža zdarycca karotkaje zamykańnie, i vioska zastaniecca biez elektryčnaści. Akramia taho, staroje hniazdo zvyčajna važyć niekalki centnieraŭ, i štohod busły padnaŭlajuć jaho, dadajučy 60-100 kh — a słupy nie raźličanyja na takuju nahruzku. Nie kažučy pra toje, što samu ptušku moža zabić tokam.

Hniazdo busła moža važyć niekalki centnieraŭ. Fota Pixabay

Hniazdo busła moža važyć niekalki centnieraŭ. Fota Pixabay

Miascovyja žychary pieražyvajuć, kali bačać, jak skidvajucca sa słupoŭ hniozdy busłoŭ. Mienavita aktyŭnaść hetych ludziej i ich zvaroty ŭ dziaržaŭnyja struktury, u APB, u Nacyjanalnuju akademiju navuk Biełarusi, da žurnalistaŭ dapamahli źviarnuć uvahu na prablemu i znajści šlachi jaje rašeńnia na dziaržaŭnym uzroŭni.

U kancy žniŭnia Minpryrody arhanizavała naradu, na jakoj pradstaŭniki Minenierha, DVA «Biełenierha», AAT «Biełsielelektrasietbud», Navukova-praktyčny centr NAN Biełarusi pa bijaresursach i APB abmiarkovyvali šlachi jaje rašeńnia.

Śpiecyjalisty AAT «Biełsielelektrasietbud» užo zakančvajuć pracu nad standartam słupoŭ z buślankami, jakimi buduć zamianiacca zvyčajnyja słupy, jakija padabalisia busłam.

Клас
0
Панылы сорам
0
Ха-ха
0
Ого
0
Сумна
0
Абуральна
0