U Biełarusi adznačajecca spad siezonnych zachvorvańniaŭ na VRVI i vyjaŭlenych pnieŭmanij. Heta tema abmiarkoŭvałasia siońnia na naradzie ŭ Alaksandra Łukašenki, pieradaje BIEŁTA.

Jon adznačyŭ, što kožnyja sutki analizuje situacyju z chvornaściu ŭ krainie. Zychodziačy ź isnujučaj infarmacyi i pradstaŭlenych hrafikaŭ, adznačajucca peŭnyja stanoŭčyja tendencyi. «Heta absalutna pakazalnyja hrafiki, jany šmat što kažuć. Ja zadavoleny tym, što my praktyčna źviali da minimumu VRVI (heta siezonnyja ŭsie zachvorvańni). Jany ŭ nas užo pajšli na spad. Uračy i Ministerstva achovy zdaroŭja jašče raniej mnie z vopytu skazali pra toje, što na spadzie VRVI dajuć chvost pnieŭmanij. Heta značyć pnieŭmanii padčas padzieńnia VRVI zaŭsiody pavialičvalisia. Ja heta baču pa hrafiku, u tym liku ŭ hetym hodzie», — skazaŭ Alaksandr Łukašenka.

Adnačasova kiraŭnik dziaržavy kanstatavaŭ, što za apošnija dni, naprykład u Viciebskaj vobłaści, pryrost kolkaści novych pnieŭmanij istotna skaraciŭsia. «Zaraz u 2,5 razy źniziŭsia. I heta naša paŭnočnaja Viciebskaja vobłaść. Toje ž samaje pa Minsku, dobraja tendencyja», — raskazaŭ kiraŭnik dziaržavy.

Razam z tym Alaksandr Łukašenka padkreśliŭ, što supakojvacca nielha, asabliva ŭ dačynieńni da pnieŭmanij. Zbolšaha heta źviazana i ź niaŭstojlivym viesnavym nadvorjem. «Nam by ŭtrymacca na hetym uzroŭni. Ja kazaŭ, što hety tydzień da Vialikadnia budzie pakazalny dla ŭsioj krainy. Kali my choć by ŭtrymajemsia na ciapierašnim uzroŭni hety tydzień, značyć, my pieramahli, — padkreśliŭ biełaruski lidar. — Nam treba hety tydzień napružycca, u što b tam ni stała. Nie tamu, što ŭ nas katastrofa. Dziakuj bohu, u nas jaje niama. U nas niama łavinapadobnaha narastańnia chvarob. I heta dziakujučy daktaram i ludziam».

«Małajcy ludzi! Ničoha nie zabaraniajem, ale skazali, što žyćcio ŭ vašych rukach. Tudy, kudy čałaviek nie choča iści, jon nie idzie. Ničoha nie zabaraniajem, nijakaha karancinu, ničoha nie ŭvodzili. Zaraz ludziej, što badziajucca, na vulicy niama. To-bok ludzi adreahavali, ludzi heta razumiejuć. I nie treba ich zahaniać u kvatery, zamykać ich tam. Čałaviek svaim žyćciom rasparadžajecca sam. A my pavinny jamu dapamahać, što my i robim», — reziumavaŭ Alaksandr Łukašenka.

Ministr achovy zdaroŭja Biełarusi Uładzimir Karanik pa vynikach narady paćvierdziŭ, što ŭ cełym pa krainie adbyvajecca źnižeńnie chvornaści na reśpiratorna-virusnyja infiekcyi. «Paralelna analizavali kolkaść pnieŭmanij, pa jakich najbolš napružanaja situacyja składvałasia ŭ Minsku i Viciebsku. Uličvajučy, što ŭ suviazi ź ciopłaj zimoj u nas trochu zrušylisia piki zachvorvańnia, tendencyja apošnich dzion śviedčyć, što kolkaść štodnia vyjaŭlajemych pacyjentaŭ z dyjahnazam «pnieŭmanija» istotna skaraciłasia. My spadziajemsia, što situacyja nie tolki stabilizujecca na praciahu bližejšych dzion, ale i budzie mieć vidavočnuju tendencyju da palapšeńnia», — raspavioŭ ministr.

Клас
0
Панылы сорам
0
Ха-ха
0
Ого
0
Сумна
0
Абуральна
0