U siłavych strukturach pryniaty kompleks mier dla minimizacyi ryzyki virusnaha zaražeńnia. Pra heta zajaviŭ siońnia žurnalistam dziaržakratar Rady biaśpieki Andrej Raŭkoŭ paśla narady ŭ Łukašenki, paviedamlaje BiełTA.
Pavodle słoŭ dziaržsakratara, kiraŭnika krainy cikaviła stanovišča spraŭ u siłavych strukturach, jakija ciažkaści jany adčuvajuć u hety pieryjad. «Mnoju było dałožana, što siłavyja struktury vykonvajuć zadačy ŭ adpaviednaści sa svaim pryznačeńniem. Jany, viadoma, nie žyvuć pa-za narodam.
Naturalna, jość chvoryja. Ale heta mizernaja kolkaść, — zajaviŭ Andrej Raŭkoŭ.
Z ulikam vykanańnia tych zadač, jakija ŭskładzieny na siłavikoŭ (asabliva milicyja, mytnia, pamiežniki), jany adčuvajuć peŭnuju niebiaśpieku pry vykanańni svaich zadač. Ale toj kompleks mier, jaki zrobleny dla biaśpieki vajennasłužačych, vykanańnia imi svaich zadač, dazvalaje nam siońnia kazać, što jon aktualny i dazvalaje nam minimizavać zachvorvańni siarod asabovaha składu».
Dziaržsakratar Rady padkreśliŭ, što siłavyja viedamstvy vykonvajuć svaje zadačy ŭ poŭnym abjomie.
«Uzbrojenyja Siły rychtujucca da paradu. My ludzi vajennyja, parad nichto nie admianiaŭ. Na siońnia siarod udzielnikaŭ paradu, jaki rychtujecca, nivodnaha zachvarełaha hetym virusam niama. Spadziajusia, što padrychtoŭka projdzie biez zbojaŭ, prymajucca ŭsie nieabchodnyja miery zaściarohi. Jany dazvalajuć kazać pra toje, što my płanava padychodzim da praviadzieńnia paradu. Rašeńnie… Jano rašeńnie palityčnaje. Jano budzie pryniata ŭ zaležnaści ad abstanoŭki, jakaja budzie składvacca bližej da paradu», — skazaŭ Andrej Raŭkoŭ
