U Biełaruskim nacyjanalnym techničnym univiersitecie pačali drukavać ekrannyja maski dla miedpiersanału na 3D-pryntary. Pra heta karespandentu ahienctva «Minsk-naviny» paviedamili ŭ pres-słužbie VNU.
U suviazi z pandemijaj karanavirusa ŭ śviecie i ŭspyškaj zachvorvańnia supracoŭniki miedustanoŭ asabliva majuć patrebu ŭ achovie.
Łabaratoryja chutkaha pratatypavańnia FABLAB, stvoranaja ŭ Navukova-technałahičnym parku BNTU «Palitechnik», pačała vyrablać achoŭnyja ekrannyja maski dla miedustanoŭ, ale davoli niezvyčajnym sposabam.
Karkas drukujecca z dapamohaj 3D-pryntara, na łaziernym stanku ź ličbavym prahramnym kiravańniem vyrazajecca ekran. Dalej da hetaj kanstrukcyi dałučajecca taśma dla macavańnia da hałavy — i maska hatovaja da vykarystańnia.
Z hetaha tydnia FABLAB płanuje vyrablać da 100 masak štodzień.
Luby žadajučy moža ŭklučycca ŭ prajekt pa zabieśpiačeńni maskami miedustanoŭ i nie tolki. Dla hetaha nieabchodna napisać pradstaŭnikam BNTU ŭ sacyjalnych sietkach abo pa adrasie: [email protected].
