Italjancam prapanoŭvajuć za hrošy źniać videa z udziačnaściu Rasii i asabista Uładzimiru Pucinu za dapamohu ŭ baraćbie z karanavirusam, paviedamlaje aŭtarytetnaja italjanskaja hazieta La Repubblica.
Rasijanie, što žyvuć u Italii, rassyłajuć znajomym italjancam prapanovu źniacca ŭ videaroliku niejkaha «rasijskaha srodku masavaj infarmacyi» z dapamohaj prahramy WhatsApp.
Pa infarmacyi vydańnia, hetamu ŚMI treba znajści piatnaccać hramadzian Italii, jakija «skažuć niešta dobraje pra rasijskuju humanitarnuju dapamohu» i apublikujuć adpaviednyja videaroliki ŭ sacyjalnych sietkach: Twitter, Facebook i Instagram — u abmien na 200 jeŭra.
Pradstaŭnik rasijskaha pasolstva zajaviŭ u intervju La Repubblica, što ničoha nie viedaje pra hetyja prośby, nazvaŭšy hetyja źviestki «pravakacyjaj machlaroŭ».
Nahadajem, u minułym miesiacy Rasija adpraviła Italii humanitarnuju dapamohu: vajennych miedykaŭ, miedykamienty i miedycynskuju aparaturu. Adnak praz karotki čas italjanskija ŚMI paviedamili, što 80% hetaj dapamohi nie spatrebiłasia.
