Hałoŭny pazaštatny dyjetołah Ministerstva achovy zdaroŭja Kaciaryna Pratasava padčas ctrymu, pryśviečanaha aktualnym pytańniam ab COVID-19, nazvała pradukty, jakija treba ŭklučyć u racyjon dla baraćby ź infiekcyjaj, piša sb.by.
— Imunitet maje białkovuju pryrodu, tamu ŭ racyjonie pavinna być šmat białku i žyviolnaha, i raślinnaha pachodžańnia, — padkreśliła dyjetołah. — Treba ŭklučyć jak maha bolš miasnych praduktaŭ, ptuški, ryby, babovych, arechaŭ. SAAZ i Ministerstva achovy zdaroŭja Biełarusi rekamiendujuć pavialičyć kolkaść harodniny i sadaviny ŭ racyjonie — nie mienš 400 hramaŭ u dzień. Lepš užyvać sadavinu i harodninu, jakija rastuć u našych šyrotach. Nie treba zabyvacca na pravilny pitny režym: pitnaja vada, zialonaja, čornaja i čyrvonaja harbata.
Lohkija — tłuščazaležny orhan, adznačaje Kaciaryna Pratasava. Tamu treba nasyčać arhanizm jašče i tłuščami.
— U dzień možna spažyvać da 20 hramaŭ śmietankovaha masła. Taksama nieabchodna ŭžyvać jajki, dzie ŭtrymlivajucca fasfalipidy, tłuščy raślinnaha i žyviolnaha pachodžańnia, u pryvatnaści, tłustuju rybu, naprykład, sieladziec i skumbryju, dla atrymańnia amieha-3 tłustych kisłot. Kali nie pieranosicie rybu, zamienicie jaje ilnianym alejem.
Pa słovach Kaciaryny Pratasavaj, karanavirus i samaizalacyja — vydatnaja mahčymaść spłanavać racyjon:
— Admoŭciesia ad fastfudu — u mnohich, chto pajšoŭ na karancin, addalenuju pracu i samaizalacyju, jość čas hatavać. Charčavacca treba 3-4 razy na dzień, pry hetym vyklučyć rafinavanyja pradukty i pamienšyć kolkaść soli. I nie picie śpirtnoha, bo heta dadatkovaja intaksikacyja.
