Padčas strymu, pryśviečanaha prablemam karanavirusa, pres-sakratar MUS Biełarusi Volha Čamadanava raspaviała, jak milicyja dapamahaje kantralavać hramadzian, jakija pavinny adbyvać samaizalacyju.
«Voś voźmiem učorašnija ličby. Pravierany 10 432 čałavieki na samaizalacyi za minułyja sutki, 530 hramadzian adsutničali na momant pravierki, ale byli ŭstalavanyja i pryčyny ich adsutnaści. 29 hramadzian na momant pavierki nie ŭstanavili. Byvajuć vypadki, kali ludzi navat źjazdžajuć u inšy horad.
Jość vypadki pryciahnieńnia da administracyjnaj adkaznaści pa art. 23.4 KaAP. Byli vypadki štrafavańnia, samy vialiki štraf — da 45 bazavych vieličyń (1215 rubloŭ). Za ŭvieś čas było składziena bolš za 200 administracyjnych pratakołaŭ na tych, chto nie vykonvaŭ patrabavańni samaizalacyi.
Volha Čamadanava akcentuje ŭvahu na tym, što ludzi pavinny śviadoma vykonvać praviły samaizalacyi, kab nie padviarhać niebiaśpiecy zaražeńnia inšych.
