Jon pracavaŭ u kampanii 18 hadoŭ. Infarmacyju Radyjo Svaboda paćvierdziŭ načalnik adździeła karparatyŭnych kamunikacyj Mikałaj Bredzieleŭ.
Niabožčyk pracavaŭ načalnikam upraŭleńnia inžynirynhu, pamior jon siońnia ŭnačy.
«Apošnija niekalki dzion jon znachodziŭsia ŭ balnicy z paćvierdžanym vynikam testavańnia na COVID-19, da momantu vychadu na balničny i špitalizacyi pracavaŭ dystancyjna ŭ adpaviednaści z unutranym rehłamientam kampanii ŭ pieryjad epidemii.
Na praciahu bolš jak 18 hadoŭ naš kaleha byŭ častkaj kamandy A1 i ŭnios istotny ŭkład u budaŭnictva i raźvićcio adnoj z najlepšych sietak mabilnaj suviazi ŭ krainie. Dla ŭsich nas heta vialikaja strata. Ad imia kiraŭnictva A1 vykazvajem hłybokaje spačuvańnie rodnym i blizkim Uładzimira Michajłaviča. Kampanija akaža jaho siamji ŭsiu nieabchodnuju materyjalnuju dapamohu i padtrymku», — skazaŭ Mikałaj Bredzieleŭ.