Fota Nadziei Bužan
Pra heta BIEŁTA paviedamiŭ ministr achovy zdaroŭja Uładzimir Karanik.
U piatnicu, 17 krasavika, ministr padčas bryfinhu adznačyŭ, što situacyja ŭ Viciebsku stabilizavałasia: źjaviłasia adčuvańnie, što ŭdałosia vyjści na płato. Pa astatnich rehijonach rost idzie ŭ ramkach prahnazavanych ličbaŭ», — skazaŭ jon.
«Asnoŭnaja zadača — nie dapuścić łavinapadobnaha rostu, pierahruzki sistemy achovy zdaroŭja. Dla akazańnia dapamohi na dadzieny momant vykarystoŭvajecca mienš za 10% najaŭnaj łožkavaj mahutnaści i mienš za 10% parku aparataŭ ŠVŁ», — prainfarmavaŭ kiraŭnik Ministerstva achovy zdaroŭja.
Dadzienaje vykazvańnie dazvalaje acanić situacyju ŭ cełym. Usiaho ŭ krainie kala 80 tysiač balničnych łožkaŭ i 2300 aparataŭ štučnaj vientylacyi lohkich. Ale jany patrebnyja i dla pacyjentaŭ ź inšymi chvarobami.
«Situacyja pa-raniejšamu zastajecca pad kantrolem. Nam udajecca nie dapuskać łavinapadobnaha rostu zachvorvańnia», — dadaŭ jon.
Pavodle aficyjnych źviestak na ranicu 22 krasavika, u Biełarusi zafiksavali 7281 vypadak karanavirusa. Pryrost z aŭtorka skłaŭ 558 čałaviek, z paniadziełka pa aŭtorak — 459.
