21 krasavika ŭ Dokšyckaj balnicy pamierła 45-hadovaja miedsiastra Aksana Radkievič, maci troch dziaciej.
Jana pracavała ŭ dziciačym adździaleńni ŭ pracedurnym kabiniecie.
Pa słovach znajomych siamji, pryčyna śmierci — pnieŭmanija.
«Jana doŭha znachodziłasia na aparacie ŠVŁ. Da hetaha niekalki dzion lačyłasia doma. Učora ŭviečary pamierła. Viedaju, što pachavańnie budzie ŭ zakrytaj trunie», — raspaviała «Našaj Nivie» siabroŭka Aksany.
«Aksana žyła adna, dzieci ŭ inšym horadzie. Jany pryjechali ŭžo paśla taho, jak jaje pakłali ŭ reanimacyju, i sami pravodzili dezynfiekcyju kvatery.
Pachavajuć Aksanu ŭ zakrytaj trunie, navat u kvateru nie buduć unosić: zabaranili. Tolki kala padjezda paru chvilin [dazvolili] raźvitacca i paśla raźvitacca na mohiłkach», — raskazvajuć ludzi.
Čytajcie taksama: «I chto siadzieŭ kala jaje, źlahli ź pnieŭmanijami». Dokšycy sprabujuć zrazumieć, jak zaniośsia virus
«Naša Niva» źviazałasia z byłym mužam žančyny Michaiłam. Pra karanavirus jon nie viedaje.
«Nam skazali prosta — pamierła ad pnieŭmanii. Ci rabili toj analiz, ja nie ŭ kursie. Ale chavać buduć u zakrytaj trunie, heta praŭda», — paviedamiŭ Michaił.
Usiaho nam viadomy imiony i proźviščy minimum 13 pamierłych ad «pnieŭmanij» u Dokšyckim rajonie, ale hetyja źviestki mohuć być niapoŭnyja. Aficyjnaja statystyka nie publikavałasia.
Čytajcie taksama: U Dokšycach ad karanavirusa pamierli dźvie rabotnicy chlebazavoda
