Biskup Hrodzienski Alaksandr Kaškievič źviarnuŭsia da viernikaŭ Hrodzienskaj dyjacezii z zaklikam raspačać malitvu ab daždžy, paviedamlaje catholic.by.
«U apošnija tydni šmat krain u śviecie — u tym liku i Biełaruś — zmahajucca z epidemijaj karanavirusa. Akramia hetaha ciažkaha dośviedu, jašče adnoj nahodaj da smutku źjaŭlajecca panujučaja zasucha, jakaja moža trahična paŭpłyvać na pracu sielskaj haspadarki», — havorycca ŭ zvarocie katalickaha biskupa.
«U vyniku ŭzmacnieńnia zasuchi prašu da raniejšaj intencyi malitvy ab spynieńni epidemii dałučyć taksama prośbu ab daždžy i abaronie ad nastupstvaŭ adsutnaści apadkaŭ u sielskaj haspadarcy, sadavodstvie i aharodnictvie. Usim, chto ŭklučajecca ŭ hetuju malitvu, ad usiaho serca ŭdzialaju pastyrskaje błahasłaŭleńnie», — adznačyŭ Alaksandr Kaškievič.
