Art-mienedžarka Volha Mželskaja dniami zdymałasia ŭ siužecie dla pieradačy «Naša ranica» na ANT. U intervju jana raskazvała pra žančyn, jakija jaje natchniajuć. Ale telekanał nie dazvoliŭ zhadać u roliku Śviatłanu Aleksijevič.
Jak patłumačyła Volha, pra heta jaje papiaredzili padčas padrychtoŭki da zdymkaŭ.
Volha Mželskaja. Fota z Instagram
«Abmiarkoŭvali źmiest budučaha siužetu. Mianie paprasili nazvać žančyn, jakija natchniajuć. Ja nazvała siarod ich Śviatłanu Aleksijevič. Mianie paprasili inšaha hieroja, bo redakcyjnaja palityka nie prapuścić Aleksijevič», — raskazała Volha Mželskaja.
U vyniku ŭ rolik uvajšoŭ raspovied pra mastačak Nadzieju Leže, Alonu Kiš i Marynu Abramovič.
Karespandentu «NN» nie ŭdałosia na praciahu dnia źviazacca z pres-słužbaj ANT.
