Kinafiestyval «Trajbieka» i YouTube ad 29 maja da 7 červienia praviaduć anłajn-fiestyval. U prahramie filmy z Kanaŭ, Vieniecyi, Taronta, Łakarna i ź inšych kinaforumaŭ, piša rbc.ru.
Prahramu anłajn-kinafiestyvalu We Are One abvieściać u najbližejšyja dni.
Arhanizatary abiacajuć achapić katałoh 20 suśvietnych kinaforumaŭ, u tym liku Bierlinski, Kanski i Vieniecyjanski kinafiestyvali, pakazy ŭ Ńju-Jorku, Łondanie i Taronta, a taksama prahramu fiestyvalu «Sandens». Usie filmy možna budzie pahladzieć biaspłatna na YouTube.
Mierapryjemstva dapamoža sabrać srodki na patreby partnioraŭ Suśvietnaj arhanizacyi achovy zdaroŭja, jakija dapamahajuć miedrabotnikam i supracoŭnikam słužbaŭ žyćciezabieśpiačeńnia ŭ pieryjad pandemii.
Ličbavy farmat nie stanie paŭnavartasnaj zamienaj kinafiestyvalam, jakija arhanizatary spadziajucca pravieści paśla zakančeńnia pandemii.
«My hanarymsia, što razam z našymi partniorami biarom udzieł u anłajn-fiestyvali i možam pryciahnuć uvahu da sapraŭdy niezvyčajnych filmaŭ i dazvolić hledačam vyprabavać vyklučnaść historyj z usiaho śvietu, a taksama paznajomicca ź ludźmi, jakija stajać za imi», — kažuć kiraŭniki Kanskaha fiestyvalu Pjer Leskiur i Tjery Fremo.
U kancy sakavika Kanski kinafiestyval, jaki pavinien byŭ prajści z 12 pa 23 maja, pieranieśli z-za pandemii karanavirusa na niavyznačany termin.
