U Paŭdniovaj Karei zapoŭnienyja ŭsie kamiercyjnyja naftaschoviščy, piša rbc.ru sa spasyłkaj na Bloomberg.
Dziaržaŭnaja Karejskaja nacyjanalnaja naftavaja karparacyja (KNOC) ciapier zdaje ŭ arendu inšym kampanijam naziemnyja reziervuary ahulnym abjomam kala 30 młn baralaŭ. Schoviščy, jakija vyzvalacca ŭ kancy 2020 hoda paśla zakančeńnia terminaŭ arendy, vierahodna, zareziervujuć pad stratehičny zapas abo dla akazańnia dapamohi miascovym vytvorcam.
Paŭdniovaja Kareja zajmaje čaćviortaje miesca ŭ rehijonie pa abjomie kamiercyjnych schoviščaŭ paśla Kitaja, Japonii i Indyi. Za apošnija dva tydni reziervuary ŭ Paŭdniovaj Karei papoŭnili jašče na 8 młn baralaŭ syroj nafty.
Pandemija karanavirusa vyklikała padzieńnie popytu na paliva, adnak naftapierapracoŭčyja zavody nie mohuć całkam spynić svaju pracu. Z-za hetaha ŭ śviecie vyras popyt na schoviščy.