Vice-prezident Mižnarodnaj fiederacyi futboła (FIFA) Viktar Mantaljani zajaviŭ, što arhanizacyja abmiarkuje na nacyjanalnym i kantynientalnym uzroŭniach varyjant pierachodu kłubnaha jeŭrapiejskaha siezonu na sistemu, pry jakoj čempijanaty buduć startavać u kancy zimy — pačatku viasny i zaviaršacca vosieńniu, piša RBK.

«U Amierycy siezon užo pravodzicca ŭ adpaviednaści z kalandarnym hodam, mahčyma, hetaje praviła maje sens vykarystoŭvać taksama ŭ Jeŭropie i Afrycy», — cytuje słovy Mantaljani Reuters.

Vice-prezident FIFA dadaŭ, što ahučanaja im ideja moža stać zručnym rašeńniem dla padrychtoŭki da čempijanatu śvietu ŭ Katary, jaki zapłanavany na pieryjad z 21 listapada pa 18 śniežnia 2022 hoda.

Pa sistemie viasna-vosień razyhryvajecca čempijanat u Biełarusi (matčy startujuć u sakaviku, a skančajucca ŭ listapadzie), u krainach Skandynavii (aproč Danii), a taksama ŭ Irłandyi. Ale heta abumoŭlena ŭmovami nadvorja.

Клас
0
Панылы сорам
0
Ха-ха
0
Ого
0
Сумна
0
Абуральна
0