passengerterminaltoday.com

passengerterminaltoday.com

Avijapasažyry, što prybyvajuć u Brytaniju ź inšych krain, abaviazanyja buduć samaizalavacca na dva tydni. Vyklučeńnie budzie zroblena tolki dla tych, chto prylacić ź Irłandyi. Ułady paviedamili heta brytanskim avijakampanijam, piša Bi-bi-si.

Čakajecca, što novyja miery ŭstupiać u siłu ŭ kancy maja. Krynicy va ŭradzie i avijacyjnaj industryi paviedamili Bi-bi-si, što pa prybyćci avijapasažyry pavinny buduć dać adras, dzie jany buduć prachodzić karancin.

Pakul niama jasnaści, kolki buduć doŭžycca hetyja abmiežavańni i ci zmohuć hramadzianie inšych krain samaizalavacca ŭ zdymnych damach i kvaterach.

Taksama niezrazumieła, ci buduć raspaŭsiudžvacca praviły samaizalacyi na tych, chto prybyvaje ŭ krainu na inšych vidach transpartu, naprykład ciahnikach abo paromach.

Ministr avijacyi Vialikabrytanii Keli Tołchierst, jak čakajecca, prajaśnić situacyju ŭ niadzielu ranicaj padčas videakanfierencyi z pradstaŭnikami avijakampanij i aeraportaŭ.

Kiraŭnictva brytanskich aeraportaŭ ličyć, što karancin dla pasažyraŭ, jakija prybyvajuć ŭ Vialikabrytaniju, naniasie mocnyja straty nie tolki avijacyjnaj industryi, ale i ekanomicy ŭ cełym.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?