U Centralnaj haradskoj balnicy Bresta lažać kala 600 pacyjentaŭ ź pnieŭmanijami. Pra heta paviedamlaje Zarya.by sa spasyłkaj na hałoŭnaha doktara ŭstanovy achovy zdaroŭja Aleha Vialičku.

U siarednim pastupaje ad 30 da 50 pacyjentaŭ u dzień.

— Paśla 20 krasavika niekatoryja adździaleńnia balnicy byli pieraprafilavany na akazańnie dapamohi chvorym ź pnieŭmanijaj z Bresta i Bresckaha rajona. Takoje rašeńnie było pryniata, kab zasiarodzić chvorych u adnym miescy, uličvajučy, što siarod ich jość vypadki, vyklikanyja virusam COVID-19. Hetyja adździaleńni byli nazvanyja infiekcyjnymi i ŭvodzilisia pastupova, pa miery nieabchodnaści. Na siońnia pad lačeńnie pnieŭmanii ŭ našaj balnicy abstalavana 680 łožka-miescaŭ, — adznačyŭ hałoŭny doktar.

U balnicy było prykładna dziesiać kisłarodnych kancentrataraŭ, ale kali stała zrazumieła, što situacyja abvastrajecca, nabyli jašče 17. Zakaz na pastaŭku jašče dziesiaci budzie vykanany ŭ mai.

Na bazie adnaho z adździaleńniaŭ arhanizavany kantakt-centr dla tych, chto paśla źmieny nie sychodzić dadomu, kab nie padviarhać ryzycy zaražeńnia blizkich. Hałoŭnym čynam, heta supracoŭniki reanimacyjnaha adździaleńnia.

Aleh Vialička taksama zaklikaŭ bieraściejcaŭ vykonvać praviły hihijeny.

— Kolkaść vypisanych kožny dzień raście. Na siońnia ich užo bolš za 400. I heta raduje. Ale, razam z tym, spraščać situacyju ni ŭ jakim razie nie treba. Pa-raniejšamu vielmi važna vykonvać rekamiendavanyja miery i praviły pavodzin: myć ruki, nasić achoŭnyja maski, nie źbiracca vialikimi kampanijami, dzie adnačasovaja ryzyka infikavańnia ŭzrastaje ŭ razy. U nas jość, na žal, vypadki, kali z-za pahardy takimi mierami ŭ CHB pastupili adrazu čatyry siamji z ahraharadka Stradzičy Bresckaha rajona.

Akramia Centralnaj haradskoj balnicy, pad pryjom kavidnych pacyjentaŭ u Breście prystasavanyja ankałahičny, tubierkulozny i skurna-vienierałahičny dyspansiery, a taksama niekatoryja adździaleńni abłasnoj kliničnaj balnicy.

Z daśledavańniaŭ navukoŭcaŭ viadoma, što mienš čym u 20% chvorych na karanavirus raźvivajecca pnieŭmanija.

Клас
0
Панылы сорам
0
Ха-ха
0
Ого
0
Сумна
0
Абуральна
0