«Nazavicie mnie choć adno palityčnaje zabojstva ŭ Jeŭropie z 2000 hoda? Albo źniknienńnie. U luboj krainie Jeŭropy», — skazaŭ Viktar Babaryka siońnia na pres-kanfierencyi ŭ Minsku, kamientujučy mahčymy pieraśled i źniknieńnie palitykaŭ u Biełarusi.

Na jaho dumku, padobnyja źniknieńni byli ŭ toj čas u Litvie, Hruzii, Ukrainie.

«Paśla 2000 hoda jość u Biełarusi fakty nieraskrytych złačynstvaŭ? Ja ščyra nie vieru, što Biełaruś u 2020-m prademanstruje takija ž fakty, jakija byli da 2000 hoda», — skazaŭ jon.

Prakamientavaŭ Babaryka i pieraśled palityčnych apanientaŭ, što adbyŭsia paśla vybaraŭ 2006 i 2010 hoda.

«Ja kateharyčny praciŭnik takoha. Kali ludzi nie pravakujuć na takija dziejańni, nie parušajuć zakon, to taki pieraśled — heta kiepska. My [naša inicyjatyŭnaja hrupa] nie parušajem zakon, nie dumaju, što budzie pieraśled.

Ja liču, što nienarmalna, kali za vykazvańnie palityčnaha pratestu možna atrymać dubinkaj pa śpinie», — skazaŭ jon.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?