Wikimedia Commons

Wikimedia Commons

Heta Kosta-Ryka. Z nahody ŭstupleńnia adpaviednaha zakona ŭ siłu prezident krainy Karłas Alvara zajaviŭ, što metaj jaho krainy źjaŭlajecca baraćba ź lubymi formami dyskryminacyi, piša Deutsche Welle.

Pieršymi hramadzianami Kosta-Ryki, jakija zaklučyli adnapoły šlub, stali dźvie žančyny. Cyrymonija ich šlubu, jakaja prachodziła z-za pandemii karanavirusa biez haściej, tranślavałasia pa dziaržaŭnym telebačańni. U internecie za joj sačyli 15 tysiač čałaviek, u tym liku mižnarodnyja dziejačy mastactva i viarchoŭny kamisar AAN pa pravach čałavieka Mišel Bačelet.

Pa inicyjatyvie Kosta-Ryki Mižamierykanski sud pa pravach čałavieka u 2018 hodzie rekamiendavaŭ lehalizavać adnapołyja šluby, zaklikaŭšy 11 łacinaamierykanskich dziaržaŭ, u jakich takija šluby jašče nie ŭzakonienyja, «pryznać i harantavać usie pravy, jakija tyčacca siamiejnych adnosin pamiž ludźmi adnaho i taho ž połu».

Kosta-Ryka stała pieršaj z hetych krain, kali vykanała dadzienuju rekamiendacyju. Balivija, Kuba, Salvador, Hvatemała, Handuras, Nikarahua, Panama, Parahvaj, Pieru i Daminikanskaja respublika pa-raniejšamu nie pryznajuć adnapołyja šluby, u toj čas jak u Arhiencinie, Brazilii, Kałumbii, Uruhvai i niekatorych štatach Mieksiki adnapołyja siemji lehalizavanyja.

U Čyli i Ekvadory pryznana madel hramadzianskaha adnapołaha partniorstva, adnak adnapołyja partniory ŭ hetych krainach nie zraŭnianyja ŭ pravach z členami tradycyjnych siemjaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0