Paśla ahitacyjnaha pikieta ŭ padtrymku kandydata ŭ prezidenty Śviatłany Cichanoŭskaj u Breście 25 lipienia zatrymanyja dva čałavieki, paviedamlaje Bresckaja hazieta.

«Jany vychodzili z parku Voinaŭ-internacyjanalistaŭ, dzie skončyŭsia ahitacyjny pikiet u padtrymku Śviatłany Cichanoŭskaj. Ich schapili niekalki čałaviek u cyvilnym, zapichnuli ŭ busik i pavieźli. Chłopcy byli ŭ majkach z hierbam «Pahonia», — raspavioŭ» BH «ranicaj 26 lipienia pravaabaronca Raman Kiślak.

A nieŭzabavie paśla hetaha ź im źviazaŭsia adzin z chłopcaŭ.

«Na Maskoŭskaj kala DK heta było. Padjechali i zašturchali ŭ aŭtobus. Pavieźli ŭ Maskoŭski RAUS. Pratrymali tam dzieści dźvie hadziny. Praviali «prafiłaktyčnuju» hutarku ab niedapuščeńni rasklejvać ulotki, jakija dyskredytujuć uładu i adpuścili biez składańnia jakich-niebudź pratakołaŭ», — paviedamiŭ chłopiec.

Клас
0
Панылы сорам
0
Ха-ха
0
Ого
0
Сумна
0
Абуральна
0