U Homieli na mitynhu Śviatłany Cichanoŭskaj adbylisia sproby pravakacyj.

Jak tolki kandydatka ŭ prezidenty pavitałasia sa šmattysiačnym natoŭpam, ź pieršych šerahaŭ razdaŭsia niečy kryk u miehafon: «Adkažy, čamu z padmanu pačynaješ? Čamu schavała dachody?!»

Pravakatar, jaki pryjšoŭ ź miehafonam u zaplečniku. Fota Nadziei Bužan.

Pravakatar, jaki pryjšoŭ ź miehafonam u zaplečniku. Fota Nadziei Bužan.

Da mužčyny ź miehafonam adrazu pracisnulisia achoŭniki. Zabirać techniku nie stali, ale pravakacyju spynili. Da kanca mitynhu jon ni razu nie padaŭ hołas.

Pravakatara ŭdałosia identyfikavać. Heta namieśnik dyrektara pa ideałohii adnaho ź miascovych pradpryjemstvaŭ. Jon byŭ namieśnikam staršyni vybarčaj kamisii na adnym z učastkaŭ na letašnich parłamienckich vybarach.

Uviečary paśla mitynhu karespandent «Našaj Nivy» sprabavaŭ źviazacca z mužčynam, adnak jaho mabilnik byŭ adklučany.

Takaja samaja pravakacyja adbyłasia ŭ kancy sustrečy — dziaŭčyna ŭzrostam kala 25 hadoŭ pracisnułasia da sceny, vychapiła z zaplečnika miehafon i stała vykrykvać: «Ludzi, kamu vy vierycie, tut niama za kaho hałasavać!» Natoŭp byŭ nastrojeny da dziaŭčyny niervova, słužba biaśpieki ŭziała jaje ŭ koła, kab ludzi jaje nie čapali. Urešcie dziaŭčyna dała drapaka.

Voś jana trapiła na videa:

Клас
1
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?