Uładzimir Zialenski pravioŭ telefonnuju razmovu z Uładzimiram Pucinym, piša bbc.com. Pra što była razmova?

 

Viersija Kijeva

Na sajcie prezidenta Ukrainy havorycca, što baki, u pryvatnaści, abmiarkoŭvali situacyju na Danbasie i vykanańnie papiarednich damoŭlenaściaŭ, dasiahnutych padčas samitu ŭ Paryžy.

«Surazmoŭcy vitali dasiahnieńnie damoŭlenaści adnosna poŭnaha i ŭsioabdymnaha režymu spynieńnia ahniu na Danbasie, jakoje pačynajecca z 00:01 27 lipienia 2020 hoda. Prezident Rasiejskaj Fiederacyi padtrymaŭ hetuju damoŭlenaść», - havorycca na sajcie prezidenta Ukrainy.

Taksama Zialenski i Pucin havaryli ab uzajemadziejańni ŭ raźminiravańni i raźviadzieńni sił i srodkaŭ na Danbasie i adkryćci novych punktaŭ propusku na linii raźmiežavańnia.

Prezident Ukrainy taksama ŭźniaŭ pytańnie vyzvaleńnia ŭkrainskich hramadzian, jakich utrymlivajuć jak na časova akupavanych terytoryjach, tak i ŭ Rasiei. U pryvatnaści, Zialenski ŭspomniŭ pra vyzvaleńnie krymskaha tataryna Rusłana Sulejmanava, u jakoha pry trahičnych abstavinach zahinuŭ trochhadovy syn.

Akramia taho, prezidenty abiedźviuch krain abmierkavali asablivy paradak miascovaha samakiravańnia na Danbasie i zakon ab decentralizacyi, jaki praduhledžvaje źmieny ŭ Kanstytucyi Ukrainy.

 

Viersija Maskvy

Na sajcie prezidenta Rasii vykłali trochi inšuju viersiju razmovy.

U publikacyi Kramla, da prykładu, naohuł nie zhadvajecca pytańnie vyzvaleńnia ŭkraincaŭ, jakija ŭtrymlivajucca na časova akupavanych terytoryjach i ŭ RF.

Skazana, što «padrabiazna abmierkavanyja roznyja aśpiekty ŭrehulavańnia ŭnutryŭkrainskaha kryzisu» i «kanstatavali nieabchodnaść pavyšeńnia efiektyŭnaści pieramoŭnych namahańniaŭ u ramkach minskaj kantaktnaj hrupy».

Taksama, havorycca ŭ paviedamleńni, Pucin acharaktaryzavaŭ pastanovu ab praviadzieńni miascovych vybaraŭ va Ukrainie jak takuju, što «supiarečyć Mienskim pahadnieńniam i stavić pad pahrozu ŭrehulavańnie kanfliktu».

«Akramia taho, vykazanaja surjoznaja zakłapočanaść u suviazi ź niadaŭnimi zajavami vysokapastaŭlenych aficyjnych asob Ukrainy ab nieprymalnaści šerahu pałažeńniaŭ «Kompleksu mier» (adnosna vykanańnia minskich damoŭlenaściaŭ) i nieabchodnaści jaho pierahladu».

«Prezident Rasiei asobna adznačyŭ, što jašče raz ahučanaja Uładzimiram Zialenskim padčas telefonnaj razmovy pazicyja ab biezalternatyŭnaści minskich damoŭlenaściaŭ pavinna znajści svajo paćvierdžańnie ŭ realnych dziejańniach kijeŭskaj ułady», - kažuć u Kramli. 

Dadajecca, što hutarka prezidentaŭ adbyłasia pa inicyjatyvie ŭkrainskaha boku.

Клас
0
Панылы сорам
0
Ха-ха
0
Ого
0
Сумна
0
Абуральна
0