Kiraŭnik MZS FRH Chajka Maas zajaviŭ, što nie bačyć mahčymaści adnaŭleńnia Hrupy vaśmi (G8) z udziełam Rasii ŭ suviazi ź situacyjaj na ŭschodzie Ukrainy, a taksama z anieksijaj Kryma. Takoje mierkavańnie jon vykazaŭ u apublikavanym u niadzielu intervju dla haziety Rheinische Post, piša tass.ru.

«Pryčynami vyklučeńnia Rasii [z farmatu G8] stali anieksija Kryma i ŭmiašańnie ŭ situacyju na ŭschodzie Ukrainy. Ja nie baču mahčymaści viartańnia [RF u hrupu vaśmi], pakul hetaja situacyja nie vyrašycca», - adznačyŭ Maas, adkazvajučy na pytańnie vydańnia ab mahčymaści viartańnia da farmatu G8 z udziełam Maskvy.

G7 - abjadnańnie ekanamična raźvitych krain, u jakoje ŭvachodziać Vialikabrytanija, Hiermanija, Italija, Kanada, ZŠA, Francyja i Japonija.

U farmacie «siamiorki» kłub isnavaŭ ad 1976 da 1997 hoda. Paśla dałučeńnia Rasii jon staŭ «vialikaj vaśmiorkaj». U sakaviku 2014 hoda ŭ vyniku padziej va Ukrainie i nastupnaha kryzisu ŭ adnosinach ZŠA i Jeŭropy z Rasijaj zachodnija ŭdzielniki vyrašyli viarnucca da farmatu «siamiorki».

Prezident ZŠA Donald Tramp raniej abviaściŭ pra płany pieranieści samit Hrupy siami z kanca červienia na vierasień i žadańnie zaprasić na hetuju sustreču Rasiju, Aŭstraliju, Indyju i Paŭdniovuju Kareju.

Клас
0
Панылы сорам
0
Ха-ха
0
Ого
0
Сумна
0
Абуральна
0