Fota Nadziei Bužan

Fota Nadziei Bužan

Śviatłana Cichanoŭskaja vielmi mocna vystupiła ŭčora na svaim mitynhu ŭ Homieli. 

Jana raspaviała, jak pryniała rašeńnie padtrymać muža, a taksama pra svaich dziaciej, ich daviałosia vyvieźci z krainy. «My staralisia schavać ad dziaciej infarmacyju, dačce — čatyry hady. synu — dziesiać. Ja nie kazała, što tata siadzić u turmie. My skazali, što tata źjechaŭ u kamandziroŭku. My pišam listy, malujem karcinki. Ale syn pahladzieŭ moj vystup na jutubie. Čamu nie raskazać dzieciam? Nu, kab nie traŭmiravać. Ale syn usio zrazumieŭ. 

I voś u subotu jon dasłaŭ mnie sms, jakaja pierakuliła moj śviet čarhovy raz i ŭpeŭniła, što ja rablu ŭsio pravilna: «Mama, z taboj usio ŭ paradku? Mnie škada ciabie i strašna za ciabie».

«Vusnami dziciaci pramaŭlaje iścina. Našym dzieciam strašna», - skazała Śviatłana.

«Śvieta! Śvieta! Śvieta!» — uzryvajucca ludzi.

«Ja nie chaču žyć u krainie, dzie maim dzieciam strašna. Ja chaču, kab Biełaruś stała krainaj, u jakoj nie strašna chadzić, nie strašna havaryć».

«Ułady nie ŭličyli, što za kožnym mocnym mužčynam, staić takaja ž mocnaja žančyna».

«U majoj prahramie vielmi mała punktaŭ. Samy pieršy - my vyzvalim palitviaźniaŭ, i našy mužčyny buduć, narešcie, z nami. Ale samy hałoŭny punkt — novyja, sumlennyja, absalutna prazrystyja, kryštalovyja, spraviadlivyja vybary!»

«Usie vy viedajecie: Śviatłana Cichanoŭskaja nie palityk, u mianie niama prahramy źmieny Biełarusi, ale jana jość u mužčyn, jakija nie byli dapuščanyja da pieradvybarnaj honki. Mnie nie patrebna ŭłada. Ja chaču dziaciej, muža i dalej smažyć svaje katlety».

«My lubim katlety», — zakryčała adna žančyna.

«Vy budziecie hałasavać za Cichanoŭskuju — ale vy nie budziecie hałasavać za jaje jak za palityka. Vy budziecie hałasavać za Cichanoŭskuju jak za budučyja pieramieny, novyja, čystyja vybary, u jakich mohuć udzielničać i Siarhiej Cichanoŭski, i Viktar Babaryka, i Valeryj Capkała, i inšyja alternatyŭnyja kandydaty», — skazała Śviatłana Cichanoŭskaja.

Cichanoŭskaja sabrała ŭ Homieli šmattysiačny mitynh praciŭnikaŭ Łukašenki VIDEA, FOTA

Try karotkija VIDEA, jakija daduć vam adčuć atmaśfieru mitynhu ŭ Homieli 

Bolš za 10 tysiač čałaviek sustrakali Cichanoŭskuju ŭ Homieli, na radzimie jaje muža. FOTY Nadziei Bužan

Клас
0
Панылы сорам
0
Ха-ха
0
Ого
0
Сумна
0
Абуральна
0