Śledčy kamitet u svaim telehram-kanale prakamientavaŭ napad na adnaho z načalnikaŭ Bresckaha DAI , što zdaryŭsia siońnia ranicaj. 

«Siońnia, 27 lipienia, prykładna ŭ 8.55 u kabiniet načalnika mižrajonnaha adździeła DAI UUS Bresckaha abłvykankama pryjšoŭ 70-hadovy žychar Bresckaha rajona.

Jon dastaŭ samarobnuju pryładu, nakiravaŭ jaje ŭ bok rabotnika DAI i zrabiŭ niekalki strełaŭ.

Milicyjant apieratyŭna zreahavaŭ na situacyju, što dapamahło jamu paźbiehnuć ranieńnia. Jon nie paciarpieŭ.

Načalnik MREA ŭ hety dzień pravodziŭ pryjom hramadzian.

USK pa Bresckaj vobłaści ŭ dačynieńni da mužčyny raspačata kryminalnaja sprava pa č. 1 art. 14 i p. 10 č. 2 art. 139 (zamach na zabojstva asoby ŭ suviazi z ažyćciaŭleńniem jeju słužbovaj dziejnaści) Kryminalnaha kodeksa Biełarusi. Padazravany zatrymany, ź im pracujuć śledčyja. Budzie pryznačanaja psichołaha-psichijatryčnaja ekśpiertyza na pradmiet ustanaŭleńnia psichičnaha stanu mužčyny».

Stralali ŭ adnaho z kiraŭnikoŭ bresckaj DAI

Клас
0
Панылы сорам
0
Ха-ха
0
Ого
0
Сумна
0
Абуральна
0