mil.by

mil.by

Minabarony ŭ svaim telehram-kanale prakamientavała notu litoŭskaha boku, što biełaruski viertalot parušyŭ miažu ŭ rajonie Miadzininkaja, dzie prachodziŭ łancuh salidarnaści ź Biełaruśsiu, a taksama palot pavietranych šarykaŭ ź Litvy.

Biełaruskaje viedamstva nastojvaje, što miažu parušyli litoŭcy ŭ rajonie pamiežnaha pierachodu «Kamienny Łoh», a biełarusy miažy nie parušali.

«My rasceńvajem hety incydent jak pravakacyju z boku Litvy. Abyvacielu moža zdacca, što heta małaznačny fakt. Ale davajcie razhledzim ź inšych bakoŭ, — havorycca ŭ kamientary v.a. namieśnika kamandujučaha Vajenna-pavietranymi siłami i vojskami supraćpavietranaj abarony pałkoŭnika Aleha Arłova.

— Pa-pieršaje, lubaja miaža luboj dziaržavy źjaŭlajecca niedatykalnaj, i heta nie zaležyć ni ad taho, jaki kirunak vietru na dadzieny momant u rajonie miažy, ni ad žadańnia hramadzian, skažam tak, pažartavać, pazapuskać šaryki.

— Pa-druhoje, hetyja, na pieršy pohlad, biaskryŭdnyja šaryki niasuć u sabie pahrozu biaśpiecy palotaŭ, u tym liku i hramadzianskich sudnaŭ.

— I pa-treciaje, nichto nie viedaje, jakaja padvieska ŭ hetych šarykaŭ. Jana moža być absalutna roznaja: vybuchovyja rečyvy, atrutnyja rečyvy i hetak dalej.

«Dziejańni našych lotčykaŭ rasceńvaju jak absalutna adpaviednyja našamu i mižnarodnamu zakanadaŭstvu. Našy lotčyki dziejničali ŭ pavietranaj prastory našaj dziaržavy, heta zafiksavana materyjałami abjektyŭnaha kantrolu. Parušeńnia dziaržaŭnaj miažy Litoŭskaj Respubliki nie było», — skazana ŭ zajavie Arłova. 

Клас
0
Панылы сорам
0
Ха-ха
0
Ого
0
Сумна
0
Абуральна
0