Kiraŭnik MZS Rasii Siarhiej Łaŭroŭ raspavioŭ pra sustreču ź pieršym namieśnikam Dziaržsakratara ZŠA Styvienam Bihanam, na jakoj jany abmierkavali situacyju ŭ Biełarusi.

Pavodle słoŭ Łaŭrova, Bihan paćvierdziŭ pazicyju ZŠA, što jany nie zacikaŭlenyja ŭ stvareńni štučnaha kryzisu vakoł situacyi ŭ Biełarusi. U Rasii ličać, što nielha sprabavać zvonku naviazvać pasiarednikaŭ biełaruskamu kiraŭnictvu i narodu.

Jon źviarnuŭ uvahu pradstaŭnika Dziarždepa na ahučanuju biełaruskaj uładaj kanstytucyjnuju reformu.

— Ja liču, što ruka praciahnuta ŭsim tym, chto zacikaŭleny ŭ stabilnaj, adzinaj Biełarusi. Jana, viadoma, pavinna być zaŭvažanaja apazicyjaj i tymi našymi zachodnimi partniorami, jakija hetaj apazicyjaj ciapier kirujuć.

U Rasii ličać, što biełarusam treba dać mahčymaść samim vyznačyć udzielnikaŭ ahulnanacyjanalnaha dyjałohu, a da taho, nakolki lehitymna byŭ sfarmavany Kaardynacyjny saviet, uźnikajuć pytańni.

— Było šmat supiarečlivych źviestak pra toje, jakaja prahrama ŭ savieta. Na sajcie Cichanoŭskaj źjaŭlalisia vielmi supiarečlivyja mety, jakich jon dabivajecca. Potym hetyja mety źnikali na sajcie. Nu i skład piersanalij, jakija ŭ hetym saviecie pradstaŭleny, vyklikaje pytańni ŭ dačynieńni da taho, jak jany bačać suviazi z Rasijskaj Fiederacyjaj.

Na dumku Łaŭrova, niama pryčyn dla taho, kab u Biełarusi raspalvalisia antyrasijskija nastroi.

Клас
0
Панылы сорам
0
Ха-ха
0
Ого
0
Сумна
0
Абуральна
0