Zdymak Darji Burakinaj ablacieŭ uvieś śviet, Tut.by

Zdymak Darji Burakinaj ablacieŭ uvieś śviet, Tut.by

Mitrapalit Minska-Mahiloŭski, kiraŭnik biełaruskich katolikaŭ arcybiskup Tadevuš Kandrusievič prakamientavaŭ błakavańnie minskimi amapaŭcami Čyrvonaha kaścioła na Płoščy Niezaležnaści: siłaviki začynili dźviery ŭ kaścioł, nie dajučy tudy ŭvajści ludziam, niekalki dziasiatkaŭ čałaviek nie mahli adtul vyjści. Tam byli vierniki, a taksama tyja, chto ratavaŭsia ad chapuna, žurnalisty.

«Znachodziačysia za miažoju, ja ź vialikim bolem uspryniaŭ skupyja źviestki pra błakavańnie ŭzbrojenymi bajcami AMAPa ŭvachodu i vychadu ŭ minskim Čyrvonym kaściole, što mieła miesca 26 žniŭnia.

U adpaviednaści z Kanstytucyjaj Respubliki Biełaruś, ludzi majuć prava malicca, svabodna zachodziačy dla hetaha ŭ kaścioł i bieśpieraškodna vychodziačy ź jaho. Błakavańnie vychadaŭ śviatyni i stvareńnie pieraškody dla svabodnaha ŭvachodu i vychadu ludziej źjaŭlajecca hrubym parušeńniem pravoŭ viernikaŭ i svabody vieravyznańnia.

U suviazi z hetym incydentam ja całkam padtrymlivaju zroblenuju ŭ maju adsutnaść zajavu Hienieralnaha vikaryja Minska-Mahiloŭskaj archidyjacezii biskupa Juryja Kasabuckaha i jak Staršynia Kanfierencyi Katalickich Biskupaŭ u Biełarusi zajaŭlaju svoj rašučy pratest suprać niepravamiernych dziejańniaŭ siłavych struktur, jakija pa svaim pryznačeńni paklikany abaraniać asnoŭnyja pravy hramadzian, u tym liku i prava na svabodu vieravyznańnia, a nie pieraškadžać u ich realizacyi, harantavanaj zakanadaŭstvam Respubliki Biełaruś.

Nieadekvatnyja i supraćpraŭnyja dziejańni, jakija mieli miesca na terytoryi kaścioła śviatoha Symona i śviatoj Aleny, pavinny być rasśledavany, a vinavatyja panieści pakarańnie ŭ adpaviednaści z zakanadaŭstvam Respubliki Biełaruś.

Hetyja i padobnyja dziejańni supracoŭnikaŭ siłavych struktur nie spryjajuć źniaćciu napružanaści dziela chutčejšaha ŭstalavańnia miru i zhody ŭ biełaruskim hramadstvie ŭ toj čas, kali Katalicki Kaścioł zaklikaje da prymireńnia i dyjałohu z metaju vyrašeńnia niabačanaha ŭ našaj krainie sacyjalna-palityčnaha kanfliktu.

Z malitvaju za našu adzinuju Baćkaŭščynu Biełaruś, — cytuje słovy arcybiskupa catholic.by

Zatrymańni na płoščy Niezaležnaści. Mužčyn chapali, žančyn adpuskali, zabłakavali dźviery Čyrvonaha kaścioła

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?