Siońnia kiraŭniki dypłamatyčnych misij ES i krain ES mieli mahčymaść abmierkavać situacyju ŭ Biełarusi ź ministram zamiežnych spraŭ Biełarusi Uładzimiram Makiejem, havorycca ŭ pres-relizie.

Jeŭrapiejski sajuz ŭvažliva sočyć za raźvićciom padziej u Biełarusi napiaredadni i paśla vybaraŭ. ES nieadnarazova zaklikaŭ ułady Biełarusi da pošuku adekvatnych rašeńniaŭ z dapamohaj spynieńnia hvałtu i viadzieńnia sapraŭdnaha i šyrokaha nacyjanalnaha dyjałohu. Mienavita z ulikam hetych abstavinaŭ kiraŭniki dypłamatyčnych misij ES u Minsku paprasili ab sustrečy z Uładzimiram Makiejem, na jakuju jon łaskava pahadziŭsia.

Dypłamaty ES padkreślili, što tolki mirny i demakratyčny praces va ŭmovach niezaležnaści i svabody ŚMI i mocnaj hramadzianskaj supolnaści dapamoža adšukać ustojlivyja pastanovy. Kiraŭniki misij taksama vykazali zachapleńnie mužnaściu, ź jakoj hramadzianie Biełarusi vyjšli na vulicy ŭ znak pratestu suprać falsifikacyi vybaraŭ i dla abarony svajho prava na svabodu i demakratyčnaje pradstaŭnictva. Biełarusy zaklikajuć svaje ŭłady da adkrytaha dyjałohu ab budučyni svajoj krainy.

U hetym kantekście jeŭrapiejskija dypłamaty pakazali na niedapuščalnaść pieraśledu členaŭ Kaardynacyjnaj rady na pradstaŭlenych uładami padstavach. Na siońniašniaj sustrečy dypłamaty ES nahadali ab raniej nakiravanych prośbach dazvolić naviedvańnie imi śledčych izalataraŭ i šerahu hramadzian Biełarusi, jakich pasły ES, jakija pracujuć u Miensku, ličać aryštavanymi vyklučna pa palityčnych matyvach.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?