«Fiederacyja chakieja Biełarusi praviała vielizarnuju pracu pa zajaŭcy na praviadzieńnie čempijanatu śvietu sumiesna z Łatvijaj. Paśla taho jak my atrymali heta pieravažnaje prava, stali pracavać u hetym kirunku razam. Adnak siońnia ŭ Łatvii sprabujuć palityzavać sport, — skazaŭ kiraŭnik FCHB Dźmitryj Baskaŭ. —

Što ž tyčycca spartyŭnaha składnika, to ŭ nas dobryja kantakty z Łatvijskaj Fiederacyjaj chakieja, Mižnarodnaj fiederacyjaj chakieja. Siońnia niama pieradumoŭ dla taho, kab nie pravieści adzin z najlepšych čempijanataŭ śvietu.

Siońnia nie razhladajecca scenar praviadzieńnia ČS-2021 pa chakiei samastojna. Ale my praviali taki vydatny čempijanat śvietu ŭ 2014 hodzie, tamu razumiejem, što nam chopić sił i infrastruktury, kab znoŭ pravieści ČS asobna», — cytuje Baskava «Trybuna».

Paśla prezidenckich vybaraŭ u Biełarusi ŭrad Łatvii źviarnuŭsia ŭ Mižnarodnuju fiederacyju chakieja (IIHF) ź listom, u jakim vykazaŭ prośbu pravieści čempijanat śvietu pa chakiei 2021 hoda ź inšaj krainaj.

Va ŭradzie Biełarusi zajaŭlali, što hatovyja pravodzić čempijanat samastojna.

Клас
0
Панылы сорам
0
Ха-ха
0
Ого
0
Сумна
0
Абуральна
0