Z fakulteta fiłasofii i sacyjalnych navuk Biełdziaržuniviersiteta zvolniŭsia dacent, viadomy fiłosaf Pavieł Barkoŭski.

Pavieł Barkoŭski. Skrynšot ź jutuba

Pavieł Barkoŭski. Skrynšot ź jutuba

«Toje, što adbyvajecca ŭ krainie, — heta tatalny režym hvałtu i chłuśni. Ja nie hatovy mirycca ź biezzakońniem. Nie hatovy mirycca z tym, što ŭniviersitet ździajśniaje cisk na vykładčykaŭ pa palityčnych matyvach, jak heta zdaryłasia sa Śviatłanaj Voŭčak», — zajaviŭ dacent. Barkoŭski kaža, što zvalniajecca pad «ciskam ułasnaha sumleńnia».

«NN» atrymała aficyjnuju pazicyju BDU nakont zvalńnia supracoŭnika. Źmiaščajem jaje dasłoŭna.

Fakultet fiłasofii i sacyjalnych navuk BDU. Fota Voli Aficeravaj

Fakultet fiłasofii i sacyjalnych navuk BDU. Fota Voli Aficeravaj

«Sprava nie «ŭ sumleńni», a ŭ stracie aŭtarytetu i adsutnaści šyrokaj padtrymki. «Sumleńnie» — tolki šyrma ad abjektyŭnych pryčyn zvalnieńnia.

Pa-pieršaje, Pavieł Barkoŭski sam pierakanaŭsia ŭ svaim nizkim aŭtarytecie siarod kaleh i adsutnaści padtrymki jaho hramadskaj pazicyi ab praviadzieńni zabastovak u BDU. Jaho zakliki da zabastovak nie padtrymali na kafiedry i fakultecie. Pra heta jon sam zajaŭlaje ŭ svaim videazvarocie ab pryčynach jaho zvalnieńnia.

Pa-druhoje, studenty nie ŭchvalili jaho rašeńnie ab praviadzieńni zabastoŭki ŭ škodu navučalnamu pracesu. Heta vyjaviłasia ŭ kalektyŭnaj zajavie čaćvierakurśnikaŭ u dekanat ad 14 vieraśnia z prośbaj pryznačyć inšaha vykładčyka ŭ suviazi ź niajaŭkaj Paŭła Barkoŭskaha na zaniatki. Jon pavinien byŭ vieści ŭ hetym siemiestry vučebnuju dyscyplinu «Asnoŭnyja napramki sučasnaj fiłasofii». Pieradača kursa ŭ pamiery 125 hadzin inšamu vykładčyku aznačała b nievykanańnie vučebnaj nahruzki Paŭłam Barkoŭskim na staŭku.

Pa-treciaje, pieraacenieny ŭkład Paŭła Barkoŭskaha ŭ fiłasofskuju navuku, što stavić pad sumnieŭ darečnaść u jaho adras epiteta «vybitny fiłosaf». Rejtynhavaja pazicyja Paŭła Barkoŭskaha na fakultecie skłała 86-je miesca z 115 supracoŭnikaŭ, pa BDU — 1208-je miesca z 2255.

Rejtynh abjektyŭna adlustroŭvaje ŭkład vykładčyka ŭniviersiteta ŭ vučebnuju, navukova-mietadyčnuju, navukova-daśledčuju i arhanizacyjnuju pracu. Pačynajučy z 2015 hoda, zhodna z Akademijaj Google, h-indeks cytavańnia Paŭła Barkoŭskaha raŭniajecca dvum».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?